الإعلامية فاطمة سالم: "حبيت عالم الطفل ومينفعش أقدم برامج تانية" - ايجي نيوز
الإعلامية فاطمة سالم: "حبيت عالم الطفل ومينفعش أقدم برامج تانية" - ايجي نيوز
قالت الإعلامية القديرة فاطمة سالم، إن حبيت عالم الطفل ومينفعش أقدم برامج تانية، معقبة : "واللى حببنى في برامج الأطفال كنت بتفرج على برامج الأطفال انا وصغيرة مع ماما نجوى وسلوي إبراهيم وكان بالنسبة لى اعرف اقدم برامج الأطفال بسبب أن الحنيه الزيادة اللى عندى". وأضافت خلال حوارها مع الإعلامية إيمان أبو طالب عبر برنامجها بالخط العريض المذاع على قناة الحياة: "عشان تدخلي مذيعة في التليفيزيون لازم تبقى مذيعة ربط.. ولما قابلت تماضر توفيق أثناء اختباري سألتنى عن تقديم أيه قولت لها أول حاجة عاوز أبقى مذيعة أطفال.. حبيت عالم الأطفال قوى ودرسته وحبيته قوي وكنت أم لما بدات شغلى تقديم برامج أطفال". وتابعت: "كنت قاعدة امام تماضر توفيق رئيس الإذاعة والتليفزيون الأسبق مرعوبة وكانت موسوعة في العلم وكانت بتسألنى أسئلة كتيرة جدا وكنت خايفة مجاوبش عليها.. وقالت عليا النوع ده لما يكون عاوز حاجة يعملها وبدأت أطفال في وقت مام نجوى وحاسة اننا عندى حاجة هعملها ومش بقارن ببرامج الأطفال وقتها وكنت ديما بقول القمة تسع كتير". وأشادت فاطمة سالم بالإعلامي مفيد فوزي، مؤكدة أنه كان حالة ولديه كاريزما ولم يجعل نفسه أضحوكة، مشيرة إلى أن الفنان سمير صبري عندما كان مذيعا، كان لديه كاريزما، وغيرهم العديد من أعلام تقديم البرامج، وأن مصر لديها الكثير من الكفاءات. وقالت: "عندي 3 شاشات تلفزيون في البيت، مش بفتح ولا واحدة فيهم، مش بشوف التلفزيون بقالي سنين، بصيت لاقيت حاجات غريبة، يمكن ماسبيرو محكومة شوية، لكن لاقيت العالم اختلف ويمكن أنا اللي بقيت عجوزة، وحسيت كدة مع ظهور القنوات الخاصة ولما ركزت مع المحتوى". وتابعت: "اتعرض عليا أمثل وأنا زوجي كان رافض جدا، وكنت بزن عليه لأن الموضوع كان مغرى جدا، خصوصا أنك هتبقى نجم وبيكلمك أساتذة كبار زي الأستاذ عاطف سالم، وكان جايلي دور محامية في جريمة قتل في فيلم من الأفلام، والفيلم التاني كان كوميدي، لكن تراجعت وشعرت بالخوف".
#الإعلامية #فاطمة #سالم #حبيت #عالم #الطفل #ومينفعش #أقدم #برامج #تانية #اليوم #السابع
